一文講解洗車正確流程同觀念，咩係預洗？原來你可能一直都洗錯車。

大部分車主自己洗車或者到坊間某部份汽車美容店洗車嘅流程都係用高壓水槍或者水喉淋濕車身同冲走表面嘅沙石灰塵，跟住用泡沫直接搓洗車身，最後過水冲走泡沫，其實大錯特錯。

一般洗車前，車子的狀況大多是髒汙不堪﹅佈滿微小的泥砂粒，試想象下如果就咁用高壓水槍沖洗車輛時，水槍的速度加上砂石的硬度，等於係瞬間讓砂石呈現噴射的狀態，而係呢個狀態下第一個摩擦受損嘅就係汽車漆面或玻璃等，再加上冲唔乾淨之下用海綿搓洗車身，就等於係車漆上進行磨砂盤嘅動作，後而形成髮絲紋同蜘蛛網紋又稱太陽紋，久而久之令車漆暗啞顯舊，失去原有漆面光亮嘅狀態。

以下提供用家DIY版嘅正確洗車流程比大家，當中會Skip咗一啲需要更多工具同步驟嘅專業流程。

1. 先讓車輛降温，建議先吸塵及清潔內籠車廂。

2. 預洗 : 乾車狀態下，先打上一層泡沫，如果冇打泡工具情況下，可以用洗車海綿浸泡洗車液，然後擠壓泡沫係車身上，靜候2-3分鐘，期間唔做任何搓洗動作，目的係要軟化同分解車漆表面污垢，泡沫亦可提供潤滑作用防止係沖洗過程中造成髮絲劃痕，等候過程中可以先清洗車鈴。

3. 3分鐘後用高壓水槍或水喉直接冲走泡沫。

4. 上第二次泡沫，呢個時候先使用羊毛手套同洗車海綿搓洗，上半截車身用羊毛手套洗，下半截車身用海綿洗，由上向下洗，可以嘅話準備兩桶水，一桶清水，一桶用洗車液開泡，適時將羊毛手套同洗車海綿放入清水桶清洗，再浸泡洗車液繼續搓洗，留意，洗車地點絕對禁止暴曬，過程中盡量唔好讓泡沫係車身上乾涸。

5. 徹底冲乾淨泡沫。

6. 抹乾車身。

以上資料只供參考，無論你用咩方法洗車，只要洗車觀念正確，都可以妥善保養心愛嘅座駕。